ESTUDO DE ARQUITECTURA SEA

SEA Arquitectos é un estudo de arquitectura na Coruña que traballa desde unha idea clara: proxectar espazos que funcionen ben e que, ao mesmo tempo, se vivan con intensidade. Partindo da funcionalidade máxima, cada proxecto desenvólvese pensando no que o usuario percibe cos seus cinco sentidos para conseguir unha experiencia arquitectónica precisa, humana e duradeira.

O noso traballo céntrase en arquitectura contemporánea, vivenda, rehabilitación e interiorismo. Entendemos cada encarga como unha resposta específica ao lugar, á forma de vida do cliente e á atmosfera que debe construír a arquitectura. Non buscamos fórmulas repetidas, senón solucións ben pensadas, coherentes e capaces de sosterse no tempo.

Que nos define

Interésanos unha arquitectura sobria, sensible e ben construída. Unha arquitectura que se apoia na funcionalidade, pero que non queda no técnico; que incorpora emoción, percepción e carácter. Por iso traballamos con atención sobre a luz natural, as proporcións, a textura dos materiais, a relación coa natureza e a forma en que cada espazo acompaña a vida cotiá.

Este enfoque permítenos desenvolver proxectos residenciais e de rehabilitación con alma propia, sempre adaptada ás necesidades concretas de cada encarga. Se queres ver como se materializa esta maneira de traballar, podes percorrer os nosos Seleccionados ou consultar o Listado completo de proxectos.

Equipo SEA Arquitectos

Quen somos:

Carlos Graña
Guillermo Pomar Blanco

Pablo Agulla Santos
Carmen Rodríguez Villar
Antía Martínez Méndez
Diego Díaz Gómez
Mercedes Hermida Feal

Colaboraron connosco:

Laura Núñez Leone
Rebeca Nuevo Mayán
Dámaris Sánchez Domínguez
Beatriz Sierra Romero
Sarai Cancela Cundíns
Javier Blasco Robaina
Cruz Calleja Perucho
Iago Otero Regueira
Eric Domínguez Díaz
Raquel Figueroa González
Alejandro García López
Roi Hernández Zas
Silvia Negreira Aboy
Mónica Lourido Vázquez
Teresa García Vega
Lucía Caso Onzaín
Montserrat Pardiño Ben
Ángela San Dimas Quindós
Jacobo González Varela

Carlos Graña

Arquitecto e máster polas universidades da Coruña e Stuttgart. Tras traballar en EE. UU., Alemaña e varios estudos en España, e colaborar na India con Balkrishna Doshi —Premio Pritzker 2018—, fundou o estudo SEA Arquitectos na Coruña. Actualmente, doutorando en arquitectura suíza, combina a práctica profesional coa docencia; foi coordinador do Máster de Deseño e Construción en Madeira en Cesuga e docente na ETSAC e no IUAV de Venecia.

Guillermo Pomar

Arquitecto pola ETSAC, asóciase a SEA Arquitectos despois de traballar en Olot con RCR Arquitectes, premio Pritzker 2017, con Vincent Van Duysen en Amberes e con David Chipperfield Architects, premio Pritzker de Arquitectura 2023.

Cómo traballamos

Somos arquitectos e defendemos unha forma de traballo interdisciplinar na que a suma de coñecementos complementarios permite chegar máis lonxe. Arquitectos, urbanistas, enxeñeiros e especialistas colaboran para acadar un fin común: a mellor arquitectura posible en cada contexto.

Boa parte da arquitectura concíbese só para ser vista. En SEA cremos que tamén debe ser sentida: na luz, na materialidade, na temperatura, na escala e na relación entre interior e exterior. Cada proxecto busca unha atmosfera determinada, unha alma propia para cada cliente, e ese obxectivo guía as decisións desde a idea inicial ata o último detalle.

Obra nova

Plantexamos cada obra nova como unha resposta á funcionalidade máxima do proxecto. A nosa metodoloxía equilibra o rigor técnico e urbanístico cunha arquitectura concibida para os cinco sentidos, onde a luz natural e a materialidade transforman cada vivenda nunha experiencia. Abordamos cada proxecto desde unha relación profunda coa historia, a identidade e a paisaxe do lugar.

Rehabilitación

A nosa experiencia en intervencións sobre o patrimonio arquitectónico abrangue desde pequenas obras de rehabilitación en pisos urbanos ou vivendas tradicionais ata a restauración integral de grandes edificios como a emblemática Casa Escariz ou o Centro Oceanográfico da Coruña. Adaptamos a arquitectura ás súas novas necesidades co máximo respecto á historia construída.

Vivenda

A través do deseño de numerosas vivendas unifamiliares, exploramos unha arquitectura doméstica que responde de forma real á maneira de habitar de cada persoa. Estudamos de forma minuciosa as orientacións e o clima para protexer os fogares. Mediante distribucións funcionais, organizamos os espazos para que o sol da mañá bañe os dormitorios e a radiación da tarde encha as zonas de día.

Interiorismo

Entendemos o espazo interior como unha parte inseparable da arquitectura e da percepción sensorial. A nosa experiencia colaborando con Vincent Van Duysen deunos o coñecemento para abordar proxectos residenciais desde a sensibilidade do material. Deseñamos de maneira integral a atmosfera de cada estancia controlando o confort acústico, a iluminación e o uso da cor para provocar sensacións. Cada detalle debúxase para acompañar cada momento do día.

Informes Periciais

O rigor técnico que aplicamos na fase de deseño e na dirección de obra dótanos da solvencia necesaria para a análise de patoloxías e conflitos construtivos complexos. Avaliamos de forma exhaustiva fallos estruturais, humidades, deficiencias nos materiais e problemas de execución, achegando un diagnóstico obxectivo baseado no sentido común e no comportamento físico real dos edificios. Este coñecemento permítenos emitir ditames periciais claros e robustos, proporcionando aos nosos clientes o respaldo técnico e legal imprescindible para garantir a seguridade dos seus espazos e resolver disputas coa máxima precisión.

Certificados de Eficiencia Enerxética

Avaliamos e certificamos o comportamento dos edificios baixo esixentes criterios de aforro enerxético inspirados no estándar Passivhaus e na eficiencia centroeuropea. Integramos sistemas enerxéticos activos e pasivos e illamentos de alto rendemento que permiten que a arquitectura respire de forma natural. A combinación destas estratexias permítenos proxectar de maneira eficiente. Buscamos o máximo confort interior e unha optimización real do consumo.

Proxectos Hoteleiros

Con máis de 8000 m construídos e grazas á nosa experiencia traballando con Accor, a primeira cadea hoteleira de Europa, temos o coñecemento para desenvolver calquera proxecto neste sector. O traballo integral realizado co hotel Mercure Lugo e coa cadea Ibis Budget dános unha visión moi ampla e profesionalizada do sector. Realizamos a xestión integral de todo o proceso, desde a parte legal, urbanística e de turismo, o proxecto de arquitectura, o proxecto de interiorismo e a dirección de obra.

Laboratorios

Con máis de 3000 m construídos e máis de 5000 m proxectados, contamos coa solvencia técnica para desenvolver espazos de laboratorios de alta complexidade. A nosa experiencia como expertos neste sector permítenos abordar cada proxecto de forma integral, asegurando que cada elemento técnico estea colocado ao detalle para optimizar o fluxo de traballo.

Para máis información: Contacto