Desenvolvemos servizos de arquitectura adaptados a cada encarga, desde a obra nova e a rehabilitación ata proxectos especializados de alta complexidade.
Plantexamos cada obra nova como unha resposta á funcionalidade máxima do proxecto. A nosa metodoloxía equilibra o rigor técnico e urbanístico cunha arquitectura concibida para os cinco sentidos, onde a luz natural e a materialidade transforman cada vivenda nunha experiencia. Abordamos cada proxecto desde unha relación profunda coa historia, a identidade e a paisaxe do lugar.
A nosa experiencia en intervencións sobre o patrimonio arquitectónico abrangue desde pequenas obras de rehabilitación en pisos urbanos ou vivendas tradicionais ata a restauración integral de grandes edificios como a emblemática Casa Escariz ou o Centro Oceanográfico da Coruña. Adaptamos a arquitectura ás súas novas necesidades co máximo respecto á historia construída.
A través do deseño de numerosas vivendas unifamiliares, exploramos unha arquitectura doméstica que responde de forma real á maneira de habitar de cada persoa. Estudamos de forma minuciosa as orientacións e o clima para protexer os fogares. Mediante distribucións funcionais, organizamos os espazos para que o sol da mañá bañe os dormitorios e a radiación da tarde encha as zonas de día.
Entendemos o espazo interior como unha parte inseparable da arquitectura e da percepción sensorial. A nosa experiencia colaborando con Vincent Van Duysen deunos o coñecemento para abordar proxectos residenciais desde a sensibilidade do material. Deseñamos de maneira integral a atmosfera de cada estancia controlando o confort acústico, a iluminación e o uso da cor para provocar sensacións. Cada detalle debúxase para acompañar cada momento do día.
Con máis de 8000 m² construídos e grazas á nosa experiencia traballando con Accor, a primeira cadea hoteleira de Europa, temos o coñecemento para desenvolver calquera proxecto neste sector. O traballo integral realizado co hotel Mercure Lugo e coa cadea Ibis Budget dános unha visión moi ampla e profesionalizada do sector. Realizamos a xestión integral de todo o proceso, desde a parte legal, urbanística e de turismo, o proxecto de arquitectura, o proxecto de interiorismo e a dirección de obra.
Con máis de 3000 m² construídos e máis de 5000 m² proxectados, contamos coa solvencia técnica para desenvolver espazos de laboratorios de alta complexidade. A nosa experiencia como expertos neste sector permítenos abordar cada proxecto de forma integral, asegurando que cada elemento técnico estea colocado ao detalle para optimizar o fluxo de traballo.
O rigor técnico que aplicamos na fase de deseño e na dirección de obra dótanos da solvencia necesaria para a análise de patoloxías e conflitos construtivos complexos. Avaliamos de forma exhaustiva fallos estruturais, humidades, deficiencias nos materiais e problemas de execución, achegando un diagnóstico obxectivo baseado no sentido común e no comportamento físico real dos edificios. Este coñecemento permítenos emitir ditames periciais claros e robustos, proporcionando aos nosos clientes o respaldo técnico e legal imprescindible para garantir a seguridade dos seus espazos e resolver disputas coa máxima precisión.
Avaliamos e certificamos o comportamento dos edificios baixo esixentes criterios de aforro enerxético inspirados no estándar Passivhaus e na eficiencia centroeuropea. Integramos sistemas enerxéticos activos e pasivos e illamentos de alto rendemento que permiten que a arquitectura respire de forma natural. A combinación destas estratexias permítenos proxectar de maneira eficiente. Buscamos o máximo confort interior e unha optimización real do consumo.
Para máis información: Contacto