PREGUNTAS FRECUENTES

Para nós non existe proxecto pequeno. Interésannos os proxectos onde se busca a excelencia independentemente da súa escala. Temos moita experiencia en sectores diversos do urbanismo e da edificación, desde o ámbito residencial, hoteleiro, rehabilitación de edificios, ata outros como laboratorios. Dotamos a cada espazo de alma, apoiados sempre nun deseño moi desenvolvido buscando unha execución impecable.

Rehabilitar en Galicia é para nós un exercicio de equilibrio entre o respecto polo existente e as necesidades actuais. Seleccionamos materiais que garantan a durabilidade da construción, buscando sempre unha integración que manteña a esencia do lugar e que envelleza ben. Buscamos de forma clara que a parte nova da construción se integre formando un todo coa parte antiga. Non nos interesan os contrastes deliberados; interésanos a historia e como nos integramos co existente.

En SEA aplicamos os principios do estándar Passivhaus: unha metodoloxía de alta precisión que busca o consumo case nulo mediante un illamento continuo e os sistemas máis eficientes. A nosa experiencia internacional permítenos adaptar con sentido común este rigor centroeuropeo ao clima de Galicia. Proxectamos vivendas funcionais que garanten un retorno da inversión real. Tamén traballamos con etiquetas LEED e BREEAM.

Garantimos a integridade de cada proxecto mediante unha definición técnica exhaustiva, aplicando o rigor e a precisión da nosa experiencia internacional en mercados como o alemán e o suízo. A través dunha presenza constante en obra, supervisamos que a execución respecte escrupulosamente estes estándares, asegurando que o confort térmico e a calidade dos materiais perduren a longo prazo.

O noso proceso de traballo basase nun acompañamento cercano e ordenado que asegura un control total sobre a inversión, facendo que o resultado final sexa o proxectado.

• Anteproxecto, baseado nun programa de necesidades que se debe aclarar de forma constante durante o proceso.
• Proxecto básico que é o documento co que se pide a licenza.
• Proxecto de execución que serve para poder presupostar a obra con distintos construtores.
• Dirección de obra que consiste no seguemento e control de todo o proceso da obra para ceñirse ao proxecto de execución.

Un proxecto de arquitectura desenvólvese en tres grandes fases:

Si. A nosa prioridade é que o cliente poida delegar toda a responsabilidade en nós. Por iso, asumimos a xestión administrativa ante os organismos correspondentes, redactando e presentando toda a documentación necesaria —desde memorias e planos ata xustificacións normativas— para a obtención de licenzas. O obxectivo é que este proceso, a miúdo complexo, se converta nun trámite fluído, profesional e totalmente transparente.

A clave do noso control de custos reside na eliminación da incerteza antes de que comece a obra. Mediante o desenvolvemento dun Proxecto de Execución e un Orzamento exhaustivo, desglosamos cada partida e unidade de obra. Este documento técnico, xunto cun contrato redactado por un avogado, vincula legalmente á empresa construtora contratada, obrigándoa a ceñirse a prezos e calidades pechadas, o que minimiza drasticamente a aparición de imprevistos ou sobrecustos. Ao anticipar e resolver cada encontro construtivo na fase de proxecto, transformamos o orzamento nunha folla de ruta real e esixible, asegurando que a execución final sexa o reflexo exacto da planificación económica inicial.

Máis aló dos nosos honorarios, toda obra conleva unha serie de custos oficiais e administrativos necesarios para a súa legalización e execución. Entre eles, destacan as taxas municipais e impostos de construción (ICIO) que dependen de cada concello, así como os visados colexiais obrigatorios. Tamén nos encargamos de asumir a Dirección de Execución e a Coordinación de Seguridade e Saúde. Dependendo do proxecto, tamén pode ser necesario un estudo xeotécnico e un estudo topográfico.

Encontrar á empresa construtora adecuada é unha decisión estratéxica que facilitamos mediante unha licitación transparente. Non deixamos este paso ao azar: comparamos orzamentos de empresas solventes baixo un mesmo estado de medicións, actuando como un filtro técnico rigoroso. Ao final, trátase de formar un equipo onde a execución técnica sexa o reflexo fiel da visión que construímos xuntos.

Si, a arquitectura e a construción son dous roles que deben traballar en sintonía, pero con total autonomía. O estudio de arquitectura debe de liderar, fiscalizar e supervisar que todo o proxecto se constrúa como está exactamente no proxecto de execución.

A nosa responsabilidade técnica é integral e constitúe o blindaxe legal da vosa inversión desde a primeira análise ata a entrega definitiva. Ao asumir a Dirección de Obra e a Coordinación de Seguridade e Saúde, actuamos como o garante técnico que certifica que cada solución executada cumpre estrictamente co Código Técnico da Edificación (CTE) e a normativa vixente. Esta seguridade formalízase coa emisión do Certificado Final de Obra, o documento oficial que acredita a correcta finalización dos traballos baixo a nosa supervisión. Ademais, toda a nosa actividade profesional está respaldada por un Seguro de Responsabilidade Civil, ofrecendo unha resposta solvente e unha protección xurídica absoluta ante calquera eventualidade.